Piet Peters: Orde van Verdienste

Piet Peters geïerd met Vergulde orde vaan vurdinste vaan CV d’n Tuutekop

Vanwège zien vurdinste vur de Hêgelsumse gemeinschap ontving Piet Peters dit joar dun Vergulde orde vaan vurdinste vaan carnavalsverieniging d’n Tuutekop oet hand vaan preens Jop d’n Iërste.
Piet Peters is beej mennig Tuut en Tuutin bekend vaan zien periode as lierkracht op dun platselikke basisschoel, woa heej generaties Hêgelsummers op zaag gruijen. Nag altied is heej às vreejwilliger actief beej dees onderwiesinstelling. Neet vur niks is de speulplats noa um vernumd.
Ok beej de voetbalclub vaan ut dôrp is Piet un bekend gezich. Tot op gevorderde leeftijd as speuler, woa heej jongere teagestanders met regelmaat ut sprekwoordelikke zwàrt vur de oege leep. Ma ok joarenlang as jeugdleider. Momenteel is heej beej de verieniging actief met ut matriaalbehier. Verder is Piet nauw betrokke beej de heemkunde en al geruume tied mantelzorger. Al met al in bezige beej, woa ut dôrp veul plezier aan beleft en biëstig gruts op mog zien.  

Gerelateerde berichten

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *