Tuute en Tuutinne,
Op zondaag 3 márt aanstaonde is ut wer zò wiet; daan bárst de Carnaval 2019 los in ’t zui-je des lânds. Aan de veuraovend van dit festijn,op zaoterdaag 2 márt, organiseert CV D’n Tuutekop ok wer in samenwaerking met Zaal Debije een Tuutefiëst in ozzen eige Tuutetaempel, en dit jaor zal daat pláts vinge onder ut thema “Carnaval on the Beach”. Haal dus ma gauw ówwen Hawai-blouse en oow reete rukske oet de kâst, en kom vanaf 20.30 oor in zaal Debije mei fiësten um de carnaval waardig ì te luuje. Hedde gennen Hawai-blouse? En ok gen reete rukske? Maak oow gen zurg, trek oow waat ânders aan en zurg ma gewoën daat ge durbeej ziet, want ut belangriekste is daat ge dur ziet, in welke outfit daan ok!
De zaal zal vur deze gelegenheid zomers aangekliejd waere, compleet met palmbuëm en een strandpanorama. Mochten dur meense ziên die schoow ziên daat ze zând in de ónderboks kriêge; mák oow gen zörg, want de iënige manier waorop daat ken gebeure is as ge oppen terugwaeg beej iemes in d’n hôf kukelt. Verder zullen dur nag diverse zomerse spellekes gedaon waere, waor schonne priêze mei te verdeene ziên, en zullen we um 0.00 oor met enne cocktail samen proosten op de start van Carnaval 2019! Ut iën en ânder wuürt vurzeen van een muzikale umliesting door os vertrouwde DJ-duo Afrofrek.
Tot zaoterdaag 2 márt in Zaal Debije!
